PARMA Fc. Anno 2007/2008 - Pagelle In Dialetto

[small faces]

21.10.2007 Sampdoria-Parma

Luca trì: c’me i gol ca t’è bechè Luca, co t’è drè a sucèdor st’an? Te’t la fè adòss c’me un ragasòr äd la Primavera?;

Zenoni zèro: dòpa òt partìdi äd chilù a’n so bèle pù cò dir! Incò che da c’la pärta lì a’n gnèva zò nissòn, l’è restè piantè dardè c’me un palètt;

Falcone zèro: a sèma rivè a cridär Contén fì vù;

Nando sìnc: la seconda partìda drè fila con tri gol ai difensòr a ne’s pòl där gnanca na suficènsa a’m dispiäs Nando;

Castlè dù: da la to pärta Pavlén i gnèvon zò c’me Ghedina in Val Badia;

Dessena dèz: l’ùltma fèsta j’eron òt in dù partìdì adèsa zontèma un dù e rivèma a dèz miga na gran cucagna wè lòmo! A’s dèma na regoläda?;

Morrone sèz: l’unica suficensa d’la domenica par chilù, na grènta na voja äd molär miga fin che l’arbitro al fis’cia la fèn! Dal moment che äd Maradona chi c’sì a’n n’in vèd miga, almeno chilù al còra!;

Parravicini zèro: a’g vol tirè zò gl’impronti digitäli c’me ai clandestèn a chilù, par via che second mi i s’han mandè indrè al so zmèl a luj, mo col balord;

Pisanu sìnc: na gran voja e na gran corsa, mo sa bastìss la corsa par zugär al balòn, Baldini al sarìss in Nasionäla;

Reginaldo zèro: gh’è par cäs nisòn ca conòssa Togni o Orfei ca fèma cambi con un pajàss e un liòn a sèma bèle päri;

MimmoDiCarlo zèro: chèra al me rockets, ormäi a’t si indifendìbil, à m’è d’avis che in t’al spogliatoj ( miga in t’al camarèn ) a’t cmànd c’me Carlino in Francia… sa dovìss ìssor acsì, a sarìss mej fèrot da pärta a la zvelten’na no?;

MimmoMorfeo sensa vòt: Masaniello l’unic che a la so manèra l’ha vèns quèl incò! O no, Mimmo? Ad ogni modo a’t vrìss vèdor in camp subìt domenica;

Tifos dèz e lode: novanta minud ed sofarensa, d’umiliasiòn sensa molär un second, a tèsta älta, orgoglios, spiritos, superior a la mèdia c’me sèmpär! In do paroli, Pramzàn e Crozè!

[small faces]

Parma-Roma 07/10/2007

Luca sìncov: anäda storta Luca? Prenotèma n’urbi et orbi urgènta? Sa gh’è da pagär quèl par l’urgènsa a’s fa na colèta in Curva;

Zenoni zèro: che caval paciò chilù! Zèro c’me il così giusti cl’ha fat da l’inìzi dl’an;

Paci sèz: parchè l’è stè l’unic a där via na psäda ben däda al pupô, pèrdor si mo fèros sintìr in t’i garlètt prima äd fèrja andär a cà;

Nando sèz: l’ùltom a molär, Nando sa dovìs sarvìr, tàca a tàca al mur un qualchidòn in t’al spogliatòi a Colèc, s’at vèd äd la mòla!!!;

Castlè quàtor: Pavlén (andrà bèn l’acènt acsì???) dagh äd l’òli a col freno a mèn lì parchè al rèsta un po’ trop tirè;

Cigarè quator: in do l’èt lasäda la cativéria? A’t sì mòl c’me na pàna còta!;

Dessena òt: sì Daniele, mò in do partìdi!!! Quatr’e quatr’òt!!! Svèglia stèla cl’è bèle mezdì;

Morrone sèz: lì in mèza l’ha balè che la Fracci in confront l’è na diletanta, sensa perdär la voja fin’in fonda!;

Pisanu sìncov: impègn al masim, sostansa c’me un;

Corradi sèz: a’t dagh indrè còl ca t’ha tirè via col vigliàc äd l’arbitro, dù amonisiòn inventädi, adèsa a’s tòca andär a Genova con Papòn fa tì;

Reginaldo dù: mama mia chilù, dòpa al fùm äd Londra, ecco al fùm äd Pärma, incò a’l n’ha gnàn fat’al fum!!! Disastor!!!;

MimmoDiCarlo sèz: in fiducia Mimmo, parchè dopa du minud l’è saltè al banc parchè al croupier l’èra disonèst, elora fèma n’ètra man, però sarchèma äd fär poker ste gir valabèn?;

Tifos...sèt: cantè fin’a l’ùltom minùd, sibèn la fèn ca s’èra drè a fèr in camp, civiltä anca contr’ai disonèst!!! Ocio gènta che la banda äd calciò poli la’n l’è miga morta.

[mark90]

dai

[small faces]

28/10/2007 Parma-Livorno 3-2




Luca òt: na paräda c’la väla trì pònt e sperèma c’la väla na voltäda äd pagina ah Luca?;

Col’ly òt: da c’la pärta lì j’han vist “l’uomo nero che ti tiene un anno intero” !!! A’t fäv paura da bò jer, ètor che Dino Zenoni

Paci sèz: da l’infèron al paradìs in sìnc minùd a’s podrìss anca scrivr’un film... Bè stämma miga a esagerär dai;

Nando òt o quator: al vòt a’l dipenda dal silàch!!! Certo Nando c’al sarìss na cojonäda miga da rìdor wè;

Castlè sèz: da metä camp in su strepitòz, da metä camp in zò disastros!!! Dagh in mèza c’an se sbagliäma pù dailà;

Morrone òt: na lèvra sensa mìlsa chilù!!! A’m sbagli miga sa dìgh che vòn c’me col ragas chi a Pärma a’l ne sarà mèj fis’cè;

Parravicini quator: nàno co gh’è? A pèra c’at tribùl infin’à còrror st’an!!! Oh guärda che al Ghiro a’l t’ha paghè un sàc äd sold wè, fin’adèsa à t’è frutè meno che un BOT;

Matteini quator: dzèma c’al s’è spompè a continuär a cambiär fascia parchè l’alenadòr a’l l’ha fat pasär da destra a sinistra un sentonär äd volti mo l’è stè propria invisìbil col ragas chi;

Pisanu quator: al moment äd gràsia èl durè acsì pòc? Dailà tato c’at vrèmma bèn mò tira fòra d’la sostansa sù;

Corradi òt: un duèl a l’inglèsa con Galante, bòti dädi e buscädi sensa fär mäj d’la comèdia! Quand còl dòpa a’l magnarà la fòja… s’la la magnarà… al se stufarà äd fär di gol a zugär a tàca a tì;

Reginaldo quator: s’al n’avìss miga fat col scàt sul tèrs gol, a’l sarìss stè da zèro! Na pantèra vegetariana, n’OMG che Prandèli a’l s’ha stagnè à la zvelten’na;

Mimmomorfeo sèz: Oh quattro stagioni cò t’è d’avis ca basta un temp par ciapär dèz? No, no a’t voj acsì ancòrra par na cuälca fèsta par därt’un dèz ( ad ogni modo sòt vòza a’t digh c’at si stè strepitòz );

MimmoDiCarlo sìncov: Napoleòn a’l dzäva che i sò generäl à’l jà vräva fortunè pùtost che bräv ecco tì jèr a’t sarìss andè benisim a Napoleòn, mo äd Livorno purtrop a’g n’è vòn e basta;

Tifos dèz: sèmpor i miôr, tant a s’è bèle capì che anca st’an a’s tocarà cargär la squädra insimma al spàli e portärla à la salvèssa c’me in t’j ultm’an.

[small faces]

31/10/2007 Palermo-Parma 1-1



Pavarén sèt: bräv al mè Pava, bel sicur decìz, autoritäri, sensa mäj tintognär, Luca a’l pòl guarìr con cälma;

Col’ly nòv: al miôr in camp second mì! Chisà che anagrafe c’al g’ha a cà sòvva, par via ca pära c’al g’abia dèz an in meno in col period chi;

Paci òt: gran gran bèla partìda corazèr! Ah s’at g’avìss anca i pè c’me la tèsta pò! A’t sarìss al centräl äd la Nasionäla bèle da un pèz;

Rossi òt: oh là che gioia, se Dio vòl al nostär ragas l’è tornè, e l’è tornè da campiòn, a pärta a’l prìmm minùd c’al s’ha fat gnìr n’acidènt, dòpa l’è stè parfèt!!!;

Castlè òt: ah Pavlèn a’t si stè un mur però a’t dovèv andär zò pù à la zvelten’na prìmma d’al rigòr quand’a t’è ciapè c’la zbaräda là e a’s sarìs chi a parlär äd tri pònt;

Morrone nòv: adèsa s’al sé mètta anca a fär di gòl, rivarà Donadoni da chi a pòch, zò al capèl, acquist imbrochè al dozènt par sènt;

Cigarèn òt: dì tato, nisòn a’l t’ha mäj dìt che so quant’an fa n’ätor zugadòr ca gnäva ded là da l’ènza j’al ciamävon Toscanini, par l’elegansa in t’al zugär? Ecco jer sira a’t paräv Toscanini anca tì da bòn;

Dessena sèt: oh là a’n n’in podäva pù äd dèrogh di dù e di quator a chilù, Daniele avanti e làsa perdär ì siochètt e gl’invidiòz c’ag n’è fin tròp in gir, ti t’è bèle capì no?;

Gasbaròn sèz: un po’ trop pìsstapòci mo l’era dapartùtt, vivacìssim, con c’la bärba c’al pära un po’ al pòvor màt Sicuri;

Pisanu sèz: bärba a pèrta, pr’al rèst a väla tutt’al discors fat pr’al so sociò chi äd sôra, generos, lotadôr mo l’aròst l’è n’ätra còza;

Corradi sèt: Bernardòn sa t’avìss pasè col balòn al Mat Sicuri inveci che sarcär col tir in porta a fiè d’oca, al vòt l’èra un dèz sicur, un combatènt ecezionäl;

Mimmomorfeo sèz: mo Mimmo mi a digh! Mo cò sarvìva andär a sbuttonär col là in area? Dopa na partìda da profesòr, na cojonäda da ragàs picèn, dailà l’è mèj posìbil che te’t perdì tutt’il vòlti in t’un bicèr d’accua?;

MimmoDiCarlo sèt: bravo Mimmo, stasìra t’è imbrochè tùtt, adèsa sbàsa miga la guärdia che domenica l’è ancòrra pù fondamentäla wè!!! Dai c’ag dämma na smarìda da razòn a’l squädri là’d dardè;

Tifos dèz: un bel dèz a chi dèz ca gh’èra!!! Ghiro, sèrca i nòm äd chi dèz CROZE’ (scrìtt in maiuscolo a m’arcmand) e a’t dagh la difìda da fèrogh pagär l’abonament st’an quèl valabèn?

[small faces]

04/11/2007 Parma-Siena 2-2




Pavarén òt: Pava, na paräda spaventosa, e dòpa du minùd i t’han fat gòl i tò compagn!!! A gh’era un dèz bèle pront!!!;

Col’ly trì: trop compliment i fàn mäl ah? Pù che l’uomo nero in cò a’t paräv Calimero!!! T’è zughè con lòr dal prìmm à l’ùltom minùd;

Paci sèz: partìda gajädra, mo so quanti asnädi pericolosi bombè!!! Quand a’t rìva al balòn in t’i pè, a pära ca’t vèna su al bàl äd san Vìt;

Rossi dèz: dèz par via cl’è stè al miôr in camp, po’ col rimpal disgraziè... che sfortòn’na dì, mò sta miga a fèrt’andär al moräl sòta aj carcàgn ca t’si drè a crèssor benìssim;

Castlè sèz: partènsa sparäda è finäl in discèza dzämma un po’ c’me Hamilton incò;

Morrone sèt: pòc pòc a’t fè gol anca incò. Ciapär esempi tùtt quant da col ragas chi!!!;

Cigarèn sèz: Toscanè, in cò dal Logiòn d’al Regio un quälc fìssc a’t l’arìss ciapè wè!!!;

Dessena sìnc: Daniele co gh’è? Fòrsi a’g n’in sarìss abasta c’at zôghìss in mèz? Second mi sì, mò buta un po’ mej ch’il gambi li dai là c’at pèr un po’ na foca monaca;

Gasbaròn sìnc: ragàs, s’a vèn zò la fumära stasìra l’è colpa sòvva!!! Che confusionäri c’at si lòmo!!!;

Reginaldo sèz: par l’assist d’al prìmm gol miga pr’ätor!!! A’s fa infìn fadìga a catär quèl äd nôv da dir su col ragas chi, tant’al sa äd pòc;

Corradi òt: e chi a podämma mètär su al disc, c’al va sempär bèn!!! Un gladiatòr, c’al dà via c’al busca senza bofär, e po’ l’ha ciapè al vìzi äd sgnär de spèss!!! Avanti acsì Barnärd;

Mateèn òt: che ràza d’un gol dì!!! Un scàt c’al paräva Tino!!! Invèci che c’la fila äd pisstapòci ca zôga tutt’il fèsti, na posibilitè a chilù a’g la dämma mimmodicarlo?;

MimmoDiCarlo sìnc: dailà Mimmo, do volti a’t gh’è avù la forton’na äd pasär in vantàgg, a t’è miga imbrochè ‘na mòsa che vòn’na!!! E tirär zò Col’ly dòpa mez’ora no? I’l l’han vìsst d’in Piàza che incò al ne fäva che di dàn!!!;

Tifòz sèz: un parègg miga äd pù anca pr’i tifòz incò!!! A’s sèma risparmiè tutt par domenica!!! Par la CROZADA PU CROZADA C’LA G’SIA ( dato che l’arzàna la zôga col Nozèj ).

E Domenica sotto con la Juve!!!!!!!

[small faces]

11/11/2007 Parma-Juventus 2-2



Luca sèz: Luca a’t gh’è da savèr che nojätor a’t vrämma bèn alòra sta tranquìll, parchè in camp at pär da esorcizär!!! Tolasudòlsa Luca!!!;

Col’ly sèz: simpatic ah cl’arbitro lì? Co gh’èt fat uomo nero? Te t’si gornè dardè a un cantòn e’t gh’è fat ciapär paura zò dal tunnel e lù al s’è vendichè?;

Falcò sèz: oh là dòpa na sfiläda d’ozlèn, se Dio vôl l’è tornè un mèz rapace chilù pù che un falco ancòrra ‘na pojana mo contintèmmos;

Rossi sèz: gionvòtt i’l gomdädi s’at vol fär d’la sträda a’t gh’è da därja via miga da ciapärja capì? Bravo mo pù parsonalitä da chi inànz;

Castlè sèz: n’ora strepitòza, po’ quand Ranieri a’g n’ha mìss du da c’la pärta lì, e Dicarlo invèci l’ha pènsä bèn äd tirär zò Pisanu ì t’han ciapä in mèza c’me un giovedì;

Morrone dèz: ormäj par col ragas chi j’en drè a fnìr il paroli!!! Semplicement im-pre-sio-nant!!!;

Cigarèn sèt: fin ca s’è tratè äd drovär la batèca da diretòr d’orchèstra dèz, quand’a s’è tratè äd tirär fòra la vanga d’in canten’na, l’è ancòrra zò c’al la särca;

Gasbaròn òt: incontenibil, un teremòt, da quand’al l’ha cambiè, a s’è smorzè la luza e al scur a zôga mèj chi l’è abituè da sènt àn a fär il còzi äd nascost;

Pisanu òt: yò-yò a’t pòs ciamär, na partìda da campiò, n’ätra da nador, ält e bàs in continuasiò: jèr l’è städa la volta äd la màsc’ra da campiòn: dai sgnär al Milan e a chilòr insomma l’è miga da tùt;

Reginaldo sèt: un po’ pù concret anca lù jer, a’s vèda che a Firenze i g’ävon bèle insgnè co vol dir zugär contra la vecchia “signora” ( mo signora in dòva );

Corradi sèt: ecco, clàsica partida äd col ragas chi, a pära cl’abia zôghè mäl invèci i so compagn äd repärt grazi’à lù j’han fat stravèdär;

Dessena zèro: eh no Daniele, c’me t’ho sempär difes adèsa a tir zò, parchè a voj ca te’t arciàp a la zvelten’na, dònca cambia quel, vèda tì co cambiär mo andär avanti acsì a’t pòl miga!!!;

Mimmomorfeo zèro: bravo furbaciò!!! Morfeo nador l’è sempr’äd moda ah? Però tato t’è stufè, mo stufè da bò;

Chiellini polo sud meno sinquanta: che ràza äd n’ignorant chilù: mo chi gh’è d’avis s’issor? A pärta c’al doveva issor squalifichè pr’il bòti äd domenica indrè, jer n’ätra figura da scalmanè, ‘na bandèra parfèta par na squädra e na tifoseria d’esaltè!!! Vargognìv tutt!!!;

MimmoDiCarlo sèz: dèz fin a vint miud da la fèn, quator da li in fonda! Eh sì, Mimmo, a’l so che in camp a’g va i zugador, mo sèrti còzi, al carator la grènta a’t gh’è da dèrla ti fin’in fonda;

Tifòz dèz: dopa ìssor tornè a cà e aver vist co l’è sucèss da bòn, al silensi d’i Boys l’è da premiär con un dèz, anca se a tri òr nisòn a sèva ancòrra co l’èra sucèss da bòn ! e adèsa ca sia fata giustisia

[small faces]

25/11/2007 Lazio-Parma 1-0




Luca sèt: second mi äd Fontanlè a’g n’è miga pù basta, a gh’è da andär a Lourdes, o drìtt in Vaticàn al me ragas;

Zenòn sèz: Dino un po’ mèj d’al solit ( a’g vräva pòc vè ), mo c’la deviasìon lì che ràza äd na sforton’na;

Falcò sèz: d’i intarvènt da infärt tutt’il volti... l’è bèle do partìdi però c’la va mej, tirämm inànz;

Nando sèz: tra gomdädi, s’ciafòn e pzädi a’l gh’è saltè fòra anca sta fèsta… l’è che domenica quèl l’è ancòrra fôra… tra lù e Mimmo chèra la mè esperiènsa;

Castlè sèz: na garansìa, avant’indrè codìgn, tgnìss… l’è da l’an pasè c’al digh, accuìsst imbrochè al sènt par sènt;

Morrò sèt: la solita gran partìda, che acvìst chilù, senza milsa, impresionant!!!;

Cigarèn sìnc: un balarèn un po’ tròp in pònta äd pè, a’g vräva un po’ pù äd sostansa, al ballo dei cigni l’è bel mo na quälca Cavalarìa Rusticana prova mò a sonärla d’ogni tant;

Gasbaròn sìnc: tròp tròp tròp inconcludent!!! Su Dante a’t gh’è di còlp da campiò, fa dl’òvra vamolà che äd fumèra da ch’il pèrti chi a’g n’è bèla basta äd natura;

Pisanu sinc: strajè c’me la pôra, sensa inìzi né fèn, ecco la domenica storta, äd solit domenica quèl al dovrìss där spetacol, sperämma par via cl’è na partìda fondamentäla!!!;

Reginaldo quator: pantèra d’la mutua, l’è propria vèra che in Brasìl ai ragas in gh’insègnon miga che a vènsa chi fa pù gol, a vènsa chi fa pù confusiòn;

Corradi sèz: parchè a col ragas chi l’insuficènsa l’è imposìbil därgla, sionò incò l’èra la domenica giusta… poca, poca, poca roba, la vlontä è basta còla par forton’na la’n manca mäi;

MimmoDiCarlo sèz: sforton’na, sforton’na Mimmo, pian pianèn a te’g si drè a capir quèl, mo dì a chi ragas che j’ultom minùd a gh’è da anèdr a l’atac, par tgnìr lontàn la bala da l’area, e Matteini??? Dailà chi à m’è d’avis c’ag sia quèl ca strùza.

[STEKKIA]

'azzo ma che parlate rumeno!?!?!

[small faces]

'azzo ma che parlate rumeno!?!?!

Ma no ..... dai che è facile ..... ti serve una traduzione

esempio: Partita del 25/11/2007 Lazio - Parma

Reginaldo : 4 pantera della mutua, è proprio vero che in Brasile ai ragazzi gli insegnano che non vince chi fa più goal, ma vince chi fa più confusione.

Pisanu : 5 sparso come la polvere, senza ne inizio ne fine, ecco la domenica storta, di solito Domenica prossima dovrebbe dare spettacolo, speriamo perchè è una partita fondamentale!!

Facile no... poi in dialetto hanno il loro fascino... fanno anche più impatto....